MONDAY 21 FEBRUARY 2022

MON 00:00 Gweler BBC World Service (m0014pn7)
Mae Radio Cymru'n ymuno â'r World Service dros nos. Radio Cymru joins the World Service overnight.


MON 05:30 John Hardy (m0014pn9)
Daniel Jenkins-Jones yn cyflwyno

Cerddoriaeth a chwmnïaeth ben bore, gyda Daniel Jenkins-Jones yn lle John Hardy. Bwletinau newyddion, bwletin amaeth dyddiol a golwg ar y papurau. Early breakfast.


MON 07:00 Sioe Frecwast (m0014ppk)
Caryl Parry Jones

Cerddoriaeth ac adloniant gyda Caryl Parry Jones. Music and entertainment breakfast show with Caryl Parry Jones.


MON 09:00 Aled Hughes (m0014nz8)
Wythnos Awyr Dywyll Cymru

A hithau'n Wythnos Awyr Dywyll Cymru, mae Dani Robertson yn ymuno gydag Aled i sôn am y prosiect, sy'n cael ei chynnal am y tro cynta’ erioed;

Mae Tom Firth yn trafod gwneud ffiseg a mathemateg yn apelgar i blant;

Nerys Hughes sy'n sôn am ddefnyddio'r dechneg o sgwennu llaw fer - un mae hi wedi bod yn ei ddefnyddio ar hyd ei hoes;

a gyda mwy a mwy o bobl yn rhoi'r gorau i ddefnyddio Facebook, mae Aled yn holi Guto Lloyd Davies, i ofyn a oes modd cael gwared eich proffil yn llwyr o'r rhyngrwyd.


MON 11:00 Bore Cothi (m0014nzd)
Wythnos 'bara go iawn'

Mae Shân yn dathlu wythnos 'bara go iawn' yng nghwmni Geraint Morris Jones sy'n gweithio fel pobydd yn Llydaw.

Mae 'na Munud i Feddwl gyda Tom Evans.

Y 'ffrinj' sy'n cael sylw Wendie Williams, a sylw hefyd i Gȏr Meibion Dyffryn Nantlle, a hynny 90 mlynedd ers iddo gael ei sefydlu.


MON 13:00 Dros Ginio (m0014nzj)
Dewi Llwyd

Trin a thrafod Cymru a'r byd. Dewi Llwyd sy'n codi'r pynciau a gofyn y cwestiynau sy'n bwysig i chi. Discussing Wales and the world.


MON 14:00 Ifan Evans (m0014nzn)
Siôn Russell Jones yn sôn am Drac yr Wythnos

Y cerddor Siôn Russell Jones sy'n cadw cwmni i Ifan Evans i sôn am Drac yr Wythnos.

Terwyn Davies sy'n crynhoi digwyddiadau'r wythnos yn Pobol y Cwm, a chyfle hefyd i ennill pâr o docynnau rygbi yn Gwed y Gair.


MON 17:00 Post Prynhawn (m0014nzs)
Newyddion y dydd yng Nghymru a thu hwnt gyda Nia Thomas yn cyflwyno. The day's news in Wales and beyond.


MON 18:00 Troi'r Tir (m0014nzw)
O Rydychen i Fro Ddyfi

Y bugail a'r waliwr cerrig sych Sam Robinson o Fachynlleth sy'n sôn am symud o Rydychen i fyw i ardal Bro Ddyfi, gan ddysgu'r iaith yn rhugl.

Ceredig Evans o Lanfachraeth ar Ynys Môn yn sgwrsio am gael ei enwebu yn un o gategoriau Gwobrau Lantra Cymru eleni;

Gwion Lloyd Evans o Bylchgau ger Llansannan yn rhannu profiadau o’r cyfnod ŵyna ar y fferm;

Glesni Phillips o Hybu Cig Cymru sy’n crynhoi’r newyddion diweddaraf o’r martiau anifeiliaid, a Cari Fflur Thomas o Gernyw sy’n adolygu’r wasg amaethyddol.


MON 18:30 Recordiau Rhys Mwyn (m0014p00)
Meinir Gwilym

Sgwrs efo'r gantores a'r gyfansoddwraig, Meinir Gwilym. Rhys is joined by singer and songwriter Meinir Gwilym.


MON 21:00 Stiwdio gyda Nia Roberts (m0014p04)
Y Ddrama 'Carwyn', Agatha Christie a Beatrix Potter

Yn ddiweddar bu ymateb chwyrn i ddeunydd y comedïwr Jimmy Carr, ac felly mae Nia Roberts yn holi Gary Slaymaker am beth sy’n dderbyniol ac yn annerbyniol ar lwyfan comedi.

Mae Catrin Beard yn sgwrsio efo Bethan Gwanas am ei nofel ddiweddaraf ac am sut mae'n dweud stori o safbwynt ci defaid Cymreig, tra bod Meg Elis yn dadansoddi apêl ddiddiwedd addasiadau o waith Agatha Christie.

Dyfrig Davies sy'n adolygu’r ddrama “Carwyn” ac mae Elinor Gwynn yn trafod ei hargraffiadau hi o arddangosfa fawr newydd yn seiliedig ar fywyd a gwaith Beatrix Potter ac sydd newydd agor yn amgueddfa’r V&A yn Llundain.


MON 22:00 Geraint Lloyd (m0014p06)
Cerddoriaeth a sgwrsio ar y shifft hwyr. Music and chat on the late shift.